ວັນທີ 16 ມິຖຸນາ 2023 ນີ້, ກອງບັນຊາການທະຫານແຂວງຄຳມ່ວນ ໄດ້ຮັບກຽດເປັນເຈົ້າພາບ ຈັດກອງປະຊຸມສ່ອງແສງວຽກງານຮອບດ້ານ ປະຈຳໄຕມາດ II ປີ 2023 ຂອງບັນດາກົມກອງ ເຂດພາກກາງ, ໂດຍການເປັນປະທານຂອງ ສະຫາຍ ພົນຕີ ຄຳເພັດ ສີຊານົນ ກຳມະການຄະນະປະຈຳພັກກະຊວງ ຫົວໜ້າ ກົມໃຫຍ່ພະລາທິການກອງທັບ, ມີບັນດາຕາງໜ້າຄະນະພັກ-ຄະນະບັນຊາ ກອງບັນຊາການທະຫານແຂວງຄຳມ່ວນ, ສະຫວັນນະເຂດ, ບໍລິຄຳໄຊ, ກອງພົນທີ 4 ແລະ ບັນດາຫົວໜ່ວຍກົມກອງເຂດພາກກາງ ເຂົ້າຮ່ວມ. ກອງປະຊຸມໃນຄັ້ງນີ້ຕາງໜ້າຄະນະພັກ-ຄະນະບັນຊາ ຂອງແຕ່ລະກົມກອງ ກໍໄດ້ຂຶ້ນລາຍງານສະພາບ ໂດຍຫຍໍ້ ປະຈຳໄຕມາດ II ປີ 2023 ແລະ ທິດທາງແຜນການປະຈຳໄຕມາດ III ປີ 2023 ເຊິ່ງໃນໄລຍະຜ່ານມາກໍໄດ້ພ້ອມກັນຈັດຕັ້ງປະຕິບັດວຽກງານປ້ອງ ກັນຊາດ-ປ້ອງກັນຄວາມສະຫງົບ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດ ວາງອອກຢ່າງເຂັ້ມງວດ, ສະຫຼຸບລາຍງານຕີ ລາຄາຄືນດ້ານດີ, ດ້ານອ່ອນ, ພ້ອມທັງວິທີແກ້ໄຂໃນຕໍ່ໜ້າ, ຕີຖອຍໄດ້ທຸກປະກົດການ ທີ່ເກີດຂຶ້ນໃນສັງຄົມ, ໄປພ້ອມກັບການສຶກສາອົບຮົມວຽກງານປ້ອງກັນ ຊາດ-ປ້ອງກັນຄວາມສະຫງົບ ໃຫ້ປະຊາຊົນບັນດາເຜົ່າ ໄດ້ຮັບຮູ້ເຂົ້າໃຈແຈ້ງ, ຫັນເອົາພະນັກງານ ລົງກໍ່ສ້າງຮາກຖານການເມືອງເປັນປົກກະຕິ, ຈັດຕັ້ງອົບຮົມ- ຫັດແອບວຽກງານວິຊາສະເພາະໃຫ້ພະນັກງານ-ນັກຮົບເປັນປະຈຳເພື່ອເຮັດໃຫ້ມີຄວາມຊຳນິຊຳນານຂຶ້ນຕື່ມ ພ້ອມທັງ ເຄື່ອນໄຫວຕ້ານ-ສະກັດກັ້ນປະກົດການ ຫຍໍ້ທໍ້ທີ່ກໍ່ໃຫ້ເກີດຄວາມບໍ່ສະຫງົບໃນຂອບເຂດຮັບຜິດຊອບ ໃຫ້ມີຄວາມສະຫງົບປອດໄພ 100%. ໃນຕອນທ້າຍຍັງໄດ້ຮັບຟັງການໂອ້ລົມຂອງ ສະຫາຍ ພົນຕີ ຄຳເພັດ ສີຊານົນ ເຊິ່ງກ່ອນອື່ນກໍໄດ້ຍົກໃຫ້ເຫັນສະພາບການຕ່າງໆ ຂອງໂລກ, ພາກພື້ນ ແລະ ພາຍໃນທີ່ເກີດຂຶ້ນ, ພ້ອມທັງຮຽກຮ້ອງໃຫ້ສືບ ຕໍ່ສຶກສາອົບຮົມ ການເມືອງ-ນຳພາແນວຄິດ ເຮັດໃຫ້ພະນັກງານ-ນັກຮົບ ເຊື່ອໝັ້ນຕໍ່ການຊີ້ນໍາ-ນໍາ ພາຂອງພັກ, ປະຕິບັດກົດໝາຍ ຂອງລັດ, ຂອງກອງທັບ ແລະ ເຮັດສຳເລັດໜ້າ ທີ່ ທີ່ໄດ້ຮັບມອບໝາຍ, ໂດຍສະເພາະແມ່ນວຽກງານກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ, ຕິດພັນກັບການ ສ້າງບ້ານປ້ອມໝັ້ນ, ກຸ່ມບ້ານ ສູ້ຮົບຕິດລຽນ, ໄປຄວບຄູ່ກັບການເຮັດໃຫ້ສະພາບມີຄວາມສະຫງົບ, ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ, ເອົາໃຈໃສ່ ປັບ ປຸງກໍ່ສ້າງກຳລັງໃຫ້ມີຄວາມເຂັ້ມແຂງ, ປົກປັກຮັກສາພາຫະນະເຕັກນິກ, ອາວຸດຍຸດໂທປະກອນ ຮັບປະກັນໃຫ້ແກ່ການກຽມພ້ອມສູ້ຮົບ ແລະ ສູ້ຮົບມີໄຊ, ພ້ອມກັນຈັດ ຕັ້ງເພີ່ມພູນຜະລິດຜົນເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ນັບດີຂຶ້ນ ໂດຍການປະຕິບັດນໍ້າໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໃນການຫັນກອງທັບ ກ້າວຂຶ້ນເປັນກອງທັບປະຕິວັດ ມີແບບແຜນ ແລະ ທັນສະໄໝ.

ແຫຼ່ງທີ່ມາ:ເກດ​ມະ​ນີ ສຸ​ວັນ​ນະ​ລາດ
ວັນທີ 21/06/2023